Мәтінді оқыңдар. Мәтіндегі ақпаратты кесте, диаграмма, сызба, шартты белгілермен беріп көріңдер. Индустрияландыру – бүкіл қазақстандықтардың ісі. Өйткені бұл – күрделі жағдайды бастан кешіріп отырған жаһандық даму процесіндегі біздің мемлекетіміздің бәсекеге қабілеттілігін, даму мүмкіндігін айқындайтын маңызды шара. Бес жыл ішінде Қазақстанда бұрын өндірілмеген тауар- лар шығарыла бастады, бұған дейін Қазақстанда өндірілме- ген, мүлдем жаңа 400 өнім түрі игерілді. Қазақстан Тәуелсіз- дігін алғаннан бергі уақытта экономикаға салынған барлық шетелдік инвестицияның 70%-іне жуығын өңдеуші сектор осы индустрияландырудың бірінші бесжылдығында иеленді. Бұдан бөлек индустрияландырудың нәтижесінде 770-тен астам жаңа кәсіпорын іске қосылып, мүлдем жаңа деңгейдегі 75 мың тұрақты жұмыс орны құрылды. Бүгінде өнеркәсіптік секторда жұмыс істейтін қазақстандықтардың жалпы саны 1 миллионнан асады. Сонымен қатар өңдеуші өнеркәсіптегі еңбек өнімділігі 60%-ке артты. Әлемнің ірі индустриялық алпауыттары Қазақстанға қадам басты. Нарыққа «Airbus», «General Elec- tric», «Alstom», «Eurocopter», «Toyota», «Ssang Yong», «LG» секілді әлемге танымал компаниялар енді. Олар бірлескен өнімнің нарыққа жол ашуына өз септігін тигізіп те келеді.