Көңіл пердесін аштым ба түріп,

Көкжиек көрінді нұрлы?..

– Көгілдір аспанның астында тұрып,

Көтердім көгілдір Туды!

– Кезген бір тылсым Даланы мәңгі,

Кие боп кеудеме енді ме?

– Көгілдір туға оранып алды,

Күн күліп сәулеленді де!

– Керуен жолдан мың адасыпты,

Көнерген жылдар аңсар боп...

– Көзұшындағы Қыран да асықты,

Көгілдір туға қонсам деп! –

Көңіл пердесін аштым ба түріп,

Көкжиек көрінді нұрлы?..

– Көгілдір аспанның астында тұрып,

Көтердім көгілдір Туды!

– Көгілдір туды көтерген... кімсіз?

– ТӘУЕЛСІЗДІКПІН!!!​